Меню (720)
Прэзентацыя
22 Mar,2022Название: Прэзентацыя
Автор: Радзько Нэлі
Издание: Новополоцк сегодня. – 2022. – 18 марта. – С. 16. – (PRO-культура).
У межах Года гістарычнай памяці ў бібліятэцы-філіяле №8 мікрараёна Баравуха прэзентавалі кнігу наваполацкага краяведа, аматара гісторыі і літаратуры Уладзіміра Камісарава “Крэпасць Полацк. Стагоддзе ХХ. Полацкі ўмацаваы раён”.
Частка І выдання распавядае пра жыццё Полацка, павета і простых палачан у канцы ХІХ – пачатку ХХ стагоддзяў, закранае перыяд Першай сусветнай вайны да 1918 года ўключна. Падкрэслівае архітэктурнае багацце тагачаснай Полаччыны, якую спатрэбілася абараняць у першай палове мінулага стагоддзя.
На прэзентацыі аўтар кнігі расказаў, якія значныя падзеі адбываліся на нашай тэрыторыі ў гады Вялікай Айчыннай вайны, што такое Полацкі ўмацаваны раён, якія задачы перад ім ставіліся, якое значэнне для абароны войскаў Чырвонай арміі летам 1941 года мелі доўгачасовыя абарончыя кропкі. Напрыканцы мерапрыемства ўсе жадаючыя маглі набыць кнігу з аўтографам аўтара.
Выставы
22 Mar,2022Название: Выставы
Автор: Радзько Нэлі
Издание: Новополоцк сегодня. – 2022. – 18 марта. – С. 16. – (PRO-культура).
Да сярэдзіны красавіка ў бібліятэцы імя У.Караткевіча працуе персанальная выстава навучэнкі студыі выяўленчага мастацтва “Хамелеон” Палаца дзяцей і моладзі Ксеніі Ракіцкай. Экспазіцыю “Радасць творчасці” дзяўчына прысвяціла Міжнароднаму жаночаму дню і сваёй маці Таццяне Дзмітрыеўне. На большасці работ – краявіды Полаччыны, пейзажы, анімалістычныя сюжэты, кветкі.
Як адзначае кіраўнік “Хамелеона” Таццяна Асташкевіч, яе выхаванка з’яўляецца пастаяннай удзельніцай усіх тэматычных выстаў ізастудыі і лаўрэатам творчых спаборніцтваў. Сярод апошніх дасягненняў дзяўчынкі – перамога на гарадскім конкурсе “Навагодняя казка - 2021”, дыпломы ўдзельніка рэспубліканскага конкурсу “Ратавальнікі вачыма дзяцей” і Міжнароднага конкурсу дзіцячага малюнка пад эгідай касмічнага фонда (ЗША).
Сустрэча
22 Mar,2022Название: Сустрэча
Автор: Радзько Нэлі
Издание: Новополоцк сегодня. – 2022. – 18 марта. – С. 16. – (PRO-культура).
Па благаславенні ігуменні Еўдакіі 14 сакавіка ў цэнтральную бібліятэку імя У.Маякоўскага завіталі насельніцы Спаса-Еўфрасінеўскага жаночага манастыра. Сустрэча была прысвечана Дню праваслаўнай кнігі. Напачатку манахіні выканалі песнапенні з падрабязным растлумачваннем іх сэнсу. Са словам духоўнай мудрасці да прысутных звярнулася сястра Людміла. Яна распавяла пра асаблівасці набажэнства ў перыяд падрыхтоўкі да Вялікадня, у простай форме расказала, для чаго чалавеку патрэбны пост, прычасце, споведзь. Вядучай вечара выступіла бібліятэкар абанемента Фаіна Жураўлёва, якая з 2011 года арганізуе гэтае мерапрыемства.
Древнее оружие из дерева
16 Mar,2022Название: Древнее оружие из дерева
Автор: Радько Нелли
Издание: Новополоцк сегодня. – 2022. – 15 марта. – С. 8.
До 20 марта в библиотеке им. К.Симонова работает выставка сувенирного холодного оружия из частной коллекции Николая Полторако, приуроченная к Году исторической памяти.
Коллекционер Николай Полторако всю жизнь работал с металлом, а 11 лет назад решил осуществить мечту – занялся деревообработкой. Все навыки получил самостоятельно. Изучая историю, заинтересовался холодным оружием минувших эпох и начал создавать реплики. Сегодня в его коллекции более 60 экспонатов. Среди них – различные виды мечей, кинжалы, боевые топоры, шпаги, ножи, трезубец.
Есть и довольно редкие экземпляры – копии древнеегипетского хопеша (ХІІІ до н.э.), древнегреческого лабриса, непальского национального ножа кукри, шотландского клеймора (XV-XVII вв.). Интерес вызывают китайский шуангоу (VIII-III вв. до н.э.), турецкий кылыч (XV-XVI вв.), катар – индийский кинжал тычкового типа, шпаголом – холодное оружие, вид даги, служащий для захвата клинка противника, траншейный нож-кастет времен Первой мировой войны. На выставке, представленной в библиотеке, можно изучить географию древнего оружия от Европы до Азии. Каждая деталь экспонатов – будь то клинок, рукоять, булава – выполнена из дерева.
Арт-час
28 Feb,2022Название: Арт-час
Автор: Радзько Нэлі
Издание: Новополоцк сегодня. – 2022. – 18 февр. - С. 16. – (PRO-культура).
Адзінаццатага лютага споўнілася 215 гадоў з дня нараджэння выбітнага беларускага мастака, музыканта і педагога Напалеона Орды. У гонар знакамітага культурнага дзеяча ХІХ стагоддзя супрацоўнікі дзіцячай бібліятэкі імя А.С.Пушкіна падрыхтавалі і правялі пазнавальны арт-час “Мастак, які спыніў час”.
Напалеон Тадэвушавіч нарадзіўся ў вёсцы Варацэвічы Пінскага павета. Атрымаў бліскучую адукацыю, сябраваў з нямецкім кампазітарам Фрэдэрыкам Шапэнам.
Сам напісаў шэраг твораў для фартэпіяна, а ў 1830 годзе нават займаў пасаду дырэктара Італьянскай оперы ў Парыжы. Аднак душой Орда быў адданы роднай зямлі. Аднойчы ён нават даў абяцанне намаляваць усе замкі Беларусі, пакуль яны не разбурыліся. Пасля сябе мастак пакінуў багатую спадчыну – больш за 1150 архітэктурных замалёвак вёсак, маёнткаў, палацаў, гарадоў.
Пазнаёміцца з творчасцю беларускага дзеяча супрацоўнікі бібліятэкі запрасілі выхаванцаў аб’яднанняў па інтарэсах Палаца дзяцей і моладзі. У межах Года гістарычнай памяці для іх была арганізавана інтэлектуальная віктарына. Падлеткі даведаліся, што Напалеон Орда не толькі выдатна маляваў, але і стварыў больш за 20 паланэзаў, мазурак, вальсаў, рамансаў і песень. Некаторыя з іх хлопчыкам і дзяўчатам нават давялося паслухаць.
Акцыя
21 Feb,2022Название: Акцыя
Автор: Радзько Нэлі
Издание: Новополоцк сегодня. – 2022. – 11 февр. - С. 16. – (PRO-культура).
Да 14 лютага цэнтралізаваная бібліятэчная сістэма Наваполацка праводзіць дабрачынную акцыю дарэння кніг з хэштэгам #ДаритеКнигиСлюбовью.
Яе арганізатары ставяць сваёй мэтай папулярызацыю чытання і ўзнаўленне старой традыцыі, калі кніга лічылася лепшым падарункам. Да ініцыятывы можа падключыцца любы жадаючы – парадаваць знаёмых, сяброў, родных цікавым раманам, аповесцю, энцыклапедыяй… З радасцю такі прэзент прымуць і гарадскія бібліятэкі (абавязковая ўмова – добры стан папяровага варыянта літаратурнага твора).
Інфармацыя пра ход акцыі будзе размешчана на сайце ЦБС. Самых актыўных адзначаць падзякамі і памятнымі сувенірамі.
Конкурсы
15 Feb,2022Название: Конкурсы
Автор: Радзько Нэлі
Издание: Новополоцк сегодня. – 2022. – 4 февр. - С. 16. – (PRO-культура).
Конкурсы
Бібліятэка імя А.С.Пушкіна запусціла інтэрактыўны марафон для аматараў чытання “Кніга-хіт”.
Прыняць удзел у ім могуць усе жадаючыя. Умовы простыя: напісаць невялікі водгук на ўпадабаную кнігу (чым цікавая, ці раілі б яе прачытаць), сфатаграфаваць вокладку і даслаць усё гэта на электронную пошту This email address is being protected from spambots. You need JavaScript enabled to view it. або асабістым паведамленнем УКантакце vk.com/pushkin_a_s_lib.
Усе лісты будуць размешчаны на старонцы бібліятэкі ў сацыяльнай сетцы, а самых актыўных чытачоў чакаюць дыпломы і прызы. Ініцыятыва будзе рэалізоўвацца на працягу ўсяго года. Колькасць водгукаў не абмежавана.
Цэнтралізаваная бібліятэчная сістэма горада падвяла вынікі чэленджа “Сэлфі з любімай кнігай у бібліятэцы”. Удзел у ім прыняў 21 чалавек.
Конурс быў прымеркаваны да Дня сэлфі ў бібліятэцы і праводзіўся з мэтай папулярызацыі папяровых выданняў сярод чытачоў усіх узростаў. Яго ўдзельнікі фатаграфаваліся з кнігай у гарадскіх бібліятэках, публікавалі здымкі ў сацыяльных сетках з хэштэгам #НовополоцкСелфиВбиблиотеке.
Работы ўсіх удзельнікаў чэленджа размешчаны на сайце novopolotsk-lib.by і ў сацыяльных сетках ЦБС. Найбольш актыўнымі сталі навучэнцы 4 “В” класа гімназіі №1, а самай юнай канкурсанткай – трохгадовая Варвара Наважылава. Цікавымі фотагісторыямі падзяліліся Наталля Купрыянава і Кацярына Мялешка. Сярод кніг, якія раюць пачытаць удзельнікі чэленджа, - “Іскра жыцця” Эрыха Марыі Рэмарка, “Салавей” Крысціны Ханны, “Аэрапорт” Артура Хэйлі, “Алхімік” Паула Каэльа, “Лекар” Яўгенія Шчапятнова.
Конкурс
01 Feb,2022Название: Конкурс
Автор: Радзько Нэлі
Издание: Новополоцк сегодня. – 2022. – 28 янв. - С. 16. – (PRO-культура).
Цэнтралізаваная бібліятэчная сістэма запрашае гараджан прыняць удзел у чэленджы “Сэлфі з любімай кнігай у бібліятэцы”. Яго мэта – папулярызацыя літаратуры сярод чытачоў усіх узростаў.
Кнігалюбы ва ўсім свеце 26 студзеня адзначылі Дзень сэлфі ў бібліятэцы. Што звязвае моднае захапленне і літаратуру? Аказваецца, першае сэлфі ў 1882 годзе зрабіў знакаміты пісьменнік Леў Талсты. Калі яму было 34 гады, ён набыў фотоапарат, самастойна падрыхтаваў яго і зняў сябе з дапамогай адмысловай “грушы”.
ЦБС прапануе натхніцца прыкладам патрыярха рускай літаратуры і прыняць удзел у чэленджы. Для гэтага трэба сфатаграфавацца з кнігай у любой гарадской бібліятэцы, апублікаваць фота ў сваіх сацыяльных сетках з хэштэгам #НовополоцкСелфиВбиблиотеке або ў каментарыях да акцыі ў групе “Бібліятэкі Наваполацка” УКантакце.
Семейное онлайн-свидание
21 Jan,2022Название: Семейное онлайн-свидание
Автор: Рыжкова Н.
Издание: Витебские вести. – 2021. – 31 дек. – С. 18.
Социальный проект по поддержанию связи семей с осужденными запустила Централизованная библиотечная система Новополоцка совместно с исправительной колонией №1 в преддверии Нового года и Рождества. Об этом сообщила директор ЦБС Новополоцка Мария Караваева.
С помощью видеосвязи будут организованы встречи детей и отцов, отбывающих наказание в местах лишения свободы. Помимо возможности услышать поздравления с предстоящими зимними праздниками, малыши получат поздравления от детской библиотеки, на базе которой и состоится семейное онлайн-свидание.
Данная инициатива носит обоюдную заинтересованность. С одной стороны, такое общение поможет не утратить связь между детьми и родителями, которые отбывают срок, поспособствует лучшей социализации и реабилитации осужденных при выходе на свободу. С другой – для библиотеки это новая форма работы и возможность соучастия людям, нуждающимся в поддержке, а также привлечение новых читателей. Так, кроме виртуальных встреч, уже имеется договоренность об организации в стенах колонии выездного читального зала и виртуальной экскурсии по музеям мира.
К слову, новополоцкие библиотеки сегодня – не только храмы книги и знаний, но и своеобразные культурно-досуговые центры. Здесь проводятся квесты, детские праздники, дни рождения, новогодние утренники с Дедом Морозом и Снегурочкой. Юных читателей специалисты привлекают к классике через аниме, марвеловские комиксы, популярные современные мультфильмы, а взрослых абонентов – через социальные сети.
– Современные технологии, в том числе интернет, сегодня не помеха для работы библиотек, а, скорее, своего рода проводники, через которые мы можем привлечь новых читателей, – уверена Мария Караваева.
Навагодні калейдаскоп
21 Jan,2022Название: Навагодні калейдаскоп
Автор: Радзько Нэлі
Издание: Новополоцк сегодня. – 2022. – 8 янв. - С. 16. – (PRO-культура).
Шмат новых, цікавых мерапрыемстваў для юных новапалачан падчас зімовых вакацый правялі супрацоўнікі наваполацкіх бібліятэк
У цэнтральнай бібліятэцы імя У.Маякоўскага выхаванцам прышкольных лагераў прапанавалі наведаць ”Нагагоднюю майстэрню“, стварыць сваімі рукамі падарунак-паштоўку, пагрузіцца ў атмасферу цуда ў кампаніі Дзеда Мароза і вядзьмаркі Басцінды. Асаблівую цікавасць удзельнікаў выклікалі прагулка па казачным лесе, прадказанні на будучы год, і, вядома, капялюш эльфа, які чытае думкі.
Бібліятэка імя Я.Коласа запрасіла дзяцей на літаратурна-забаўляльныя гадзіны ”Зимние истории“, падчас якіх можна было стаць героямі навагодняй казкі-экспромту і атрымаць падарункі ад Дзеда Мароза і Снягуркі. Дарэчы, на мерапрыемства завіталі навучэнцы Наваполацкага політэхнічнага каледжа. У іх выкананні прагучалі святочныя вершы і песні.
Навагодняе падарожжа ў краіну Оз юныя гараджане здзейснілі ў бібліятэцы імя С.Маршака. Яны пераадольвалі перашкоды, выконвалі складаныя заданні, дапамагалі галоўным героям казкі вярнуцца дадому.
”Весела і дружна сустрэнем Новы год“. Такую назву атрымала праграма ў бібліятэцы імя У.Караткевіча. Хлопчыкаў і дзяўчынак чакалі займальныя навагоднія конкурсы на спрыт, трапнасць, кемлівасць. А напярэдадні самага чароўнага і доўгачаканага свята тут прайшла гульня ”Зімовыя загадкі і вясёлыя мульцяшкі“. У пачатку мерапрыемства яе удзельнікі напісалі тэлеграму Дзеду Марозу. Потым прынялі актыўны ўдзел у вясёлых конкурсах. Сапраўдным падарункам для ўсіх стаў прагляд навагодніх мультфільмаў. Гасцей другой забаўляльнай сустрэчы ”Навагодні калейдаскап“ чакалі прадказанні, сюрпрызы, конкурсы і гульні.
А вось супрацоўнікі дзіцячай бібліятэкі імя А.С.Пушкіна падрыхтавалі для маленькіх чытачоў вечарыну з загадкамі, песнямі і карагодамі ”Новы год настае!“. Не меншай папулярнасцю ў дзяцей карысталася квэст-гульня па матывах мультфільма ”Холодное сердце“. Разам з галоўнымі героямі Олафам, Ганнай і Эльзай яны адправіліся ў падарожжа, каб знайсці ключы ад чароўных дзвярэй і вызваліць Дзеда Мароза. Выканаўшы ўсе заданні, удзельнікі прадстаўлення трапілі на сапраўдны навагодні баль.
