Меню (720)
Канцэрт
14 Feb,2023Название: Канцэрт
Автор: Радзько Нэлі
Издание: Новополоцк сегодня. – 2023. – 10 февр. – С. 16. – (PRO -культура).
Літаратурна-музычнае аб’яднанне “Крылы” распачала цыкл краязнаўча-тэматычных мерапрыемстваў, прысвечаных 65-годдзю Наваполацка.
Першай ластаўкай стала вечарына-канцэрт “У вершах і ў песнях цябе ўслаўляем, любімы наш горад”, што прайшла ў цэнтральнай бібліятэцы імя У.Маякоўскага. Адкрыла праграму аўтарская п’еса Валянціны Пакрапіўнай, прадоўжылі – лірычныя песні Міхаіла Зудзілава і рускія рамансы ў выкананні Аляксандра Ігоніна. Фенія Грынёва прачытала вершы паэтаў- першабудаўнікоў Міхаіла Блізнеца, Ніны Дзянісавай, Валерыя Старынскага. Юбілею Нафтаграда свой санет прысвяціла паэтэса Ларыса Сакарэнка, а Алена Штукіна напісала песню на верш Блізнеца “Мой горад”.
Захапляльную вандроўку па галоўным дастапомнасцям Нафтаграда праз свае літаратурныя замалёўкі “Шчодры падарунак” і “Песня Дзвіны” слухачам падарыла кіраўнік “Крылаў” Галіна Сташкевіч. Арганічным дапаўненнем вечара стала выстава літаратуры, на якой былі прадстаўлены альбомы пра Наваполацк і кнігі “крылаўцаў”.
– Наш горад пабудавалі людзі з гарачымі сэрцамі. Яны ехалі сюды з усіх куткоў былога Савецкага Саюза. Знаёміліся, сябравалі, стваралі. Цыклам мерапрыемстваў да святкавання 65-годдзя Наваполацка мы хочам нагадаць гараджанам гісторыю роднага краю, прадэманстраваць багатую літаратурную спадчыну нашых сучаснікаў, – у размове з карэспандэнтам “НС” адзначыла Галіна Сташкевіч.
Літсустрэчы
30 Jan,2023Название: Літсустрэчы
Автор: Радзько Нэлі
Издание: Новополоцк сегодня. – 2023. – 27 янв. – С. 16. – (PRO -культура).
У дзіцячай бібліятэцы імя С.Маршака працягваецца цыкл мерапрыемстваў «Дзецям пра пісьменнікаў». У мінулую пятніцу, 20 студзеня, першакласнікі СШ №4 пазнаёміліся з творчасцю выдатнага расійскага паэта, сцэнарыста, драматурга Андрэя Усачова, які сёлета адзначвае сваё 65-годдзе.
Юныя новапалачане гулялі ў лінгвістычныя гульні, дадавалі або перастаўлялі месцамі літары, як гэта робіць у сваіх вершах Андрэй Аляксеевіч, з цікавасцю праслухалі фрагмент яго відэаінтэрв'ю. А напрыканцы сустрэчы паглядзелі мультфільмы па матывах верша расійскага пісьменніка «Кароўка».
З нагоды 85-гадовага юбілея Віцебскай вобласці ў бібліятэцы імя У.Караткевіча прайшло займальна-пазнавальнае падарожжа для вучняў СШ №14.
Напачатку мерапрыемства хлопчыкі і дзяўчынкі пазнаёміліся з гісторыяй станаўлення, сучасным развіццём Віцебшчыны, а пасля здзейснілі віртуальную экскурсію на найбольш знакавых славутасцях. Так як архітэктурныя помнікі знаходзяцца ў розных населеных пунктах, вучням было прапанавана скласці карту і даведацца назвы 21-го раёна краю блакітных азёр.
Выставы
30 Jan,2023Название: Выставы
Автор: Радзько Нэлі
Издание: Новополоцк сегодня. – 2023. – 27 янв. – С. 16. – (PRO -культура).
На свята Хрышчэння Гасподня ў бібліяэцы імя А.С.Пушкіна адкрылася выстава выхаванкі студыі выяўленчага мастацтва “Хамелеон” Палаца дзяцей і моладзі Ганны Косавай “Прыгажосць выратуе свет!”. Для Ганны гэта ўжо трэцяя персанальная выстава. Выяўленчым мастацтвам дзяўчына займаецца 9 гадоў, з’яўляецца пераможцай міжнародных і рэспубліканскіх творчых конкурсаў. Любіць пісаць акварэллю, гуашшу, але найбольш прагне да графікі. З цікавацю звяртаецца да гістарычнай тэматыкі. Сярод герояў яе малюнкаў – першадрукар Францыск Скарына, пісьменнкі Караткевіч і Купала.
У экспазіцыю юнай творцы ўвайшлі 20 разнапланавых работ. Цэнтральная месца займае карціна “Шануйце дзіва на планеце – святую Беларусь”, якая знаёміць гледача з дастапомнасцямі нашай краіны. Падтрымаць мастачку на адкрыццё выставы завіталі яе сябры і родныя, а навучэнцы Наваполацкага музкаледжа паднеслі дзяўчыне вакальны падарунак.
Пабачыць творчыя фантазіі Ганны Косавай можна да канца лютага.
Корсак Наталья Петровна
18 Jan,2023 | |
| Заведующая отделом обслуживания и информации | |
 | ул. Калинина, 1 |
 | This email address is being protected from spambots. You need JavaScript enabled to view it. |
 | 52-97-01 |
Шоу-праграмы
16 Jan,2023Название: Шоу-праграмы
Автор: Радзько Нэлі
Издание: Новополоцк сегодня. – 2023. – 6 янв. – С. 16. – (PRO -культура).
Зімовыя канікулы – гарачая пара для гарадскіх бібліятэк. Кожны дзень тут праходзяць самыя розныя мерапрыемствы для юных новапалачан.
З 22 па 30 снежня супрацоўнікі бібліятэкі імя А.С.Пушкіна правялі цыкл шоу-праграмм па матывах твораў савецкага пісьменніка Эдуарда Успенскага. Іх гасцямі сталі навучэнцы СШ №1, №2, №3 і БШ №10. Разам з казачнымі персанажамі яны адправіліся ў вёску Прастаквашына, з лёгкасцю пераадолелі снежны тунэль, выканалі ўсе заданні і сустрэліся з Дзедам Марозам, а таксама вадзілі карагоды, гулялі і фатаграфаваліся.
А ў бібліятэцы імя С.Маршака вераломны казачны герой Грынч вырашыў скрасці свята. На дапамогу добрым і спагадлівым эльфам прыйшлі дзеці з прышкольнага лагера. Разам яны адправіліся на слядах зайдросцы-гарэзы. На шляху іх чакалі выпрабаванні. Дабраўшыся да мэты, расшыфраваўшы заблытаны сакратны код злыдня, хлопчыкі і дзяўчынкі здолелі не толькі выратаваць Новы год, але і растапіць халоднае сэрца Грынча. Займальнае падарожжа скончылася карагодам і пажаданнямі шчаслівых святаў.
Выставы
16 Jan,2023Название: Выставы
Автор: Радзько Нэлі
Издание: Новополоцк сегодня. – 2023. – 6 янв. – С. 16. – (PRO -культура).
Як святкавалі Новы год у 50-ых, 60-ых, 90-ых? Натуральна акунуцца ў мінулае запрашае цэнтральная бібліятэка імя Уладзіміра Маякоўскага.
Да 16 студзеня ў зале мастацтваў установы працуе выстава вінтажных экспанатаў. У ёй прадтаўлены ўнікальныя калекцыі цацак на ялінку, паштовак, фатаграфій, вінілавых пласцінак ХХ стагоддзя з фондаў бібліятэкі. Больш за 200 прадметаў раскажуць гледачу пра тое, як упрыгожвалі свае кватэры нашы бабулі і дзядулі падчас навагодніх святаў.
“Разважалкі” ад Ірыны Багданавай
09 Jan,2023Название: “Разважалкі” ад Ірыны Багданавай
Автор: Радзько Нэлі
Издание: Новополоцк сегодня. – 2022. – 27 дек. – С. 5.
Як дзецям лягчэй засвоіць беларускую мову? Адказ на гэта пытанне ведае наваполацкая паэтэса, член Саюза пісьменнікаў Беларусі і Саюза пісьменнікаў Саюзнай дзяржавы Ірына Багданава. На мінулым тыдні яна прадставіла шырокай грамадскасці свой новы зборнік вершаў “Разважалкі”.
Гэта ўжо восьмая кніга з аўтарскай серыі Ірыны Андрэеўны “Наша дружная сям’я”. Паэтэса працавала на ёй каля паўгода. Тыраж склаў каля 350 асобнікаў.
Новы зборнік утвараюць 17 тэматычных раздзелаў. У ім ёсць вершы пра здаровы лад жыцця, святы, жывёл, культуру паводзінаў і мовы, нават пра інтэрнэт. Простыя шчырыя радкі адлюстроўваюць рэчаіснасць сённяшняга дня і лёгка запамінаюцца. Кніга можа служыць своеасаблівым падручнікам для пазакласнага навучання – каб дзеці часцей выкарыстоўвалі родную мову. Дарэчы, прэзентаваць творчасць паэтэсы прыйшлі юныя выхаванцы тэатра мініяцюр “Усмешка” Палаца дзяцей і моладзі. Іх выступленні былі вельмі пранікнёнымі.
Доўгі час ілюстратарам “Нашай дружнай сям’і” была наваполацкая мастачка Ірына Башун. Восьмае выданне аздабляла палачанака Ірына Барадуль, а пераклад узяла на сябе член Саюза пісьменнікаў Беларусі Надзея Салодкая. “Справа ў тым, што па месцу нараджэння я расіянка – з горада Кемерава. Але шмат гадоў жыву ў Наваполацку, які стаў для мяне другой Радзімай. На жаль, я не валодаю дастаткова добра беларускай мовай. Таму звярнулася за дапамогай да Надзеі Стэфанаўны. У “Разважалкі” ўключаны ўжо знаёмыя чытачам вершы і зусім новыя творы. Каб дзецям было прасцей іх засвоіць, я зрабіла малыя формы”, – у размове з карэспандэнтам “НС” адзначыла Ірына Андрэеўна.
Прэзентацыя новага зборніка прайшла ў бібліятэцы імя А.С.Пушкіна. Павіншаваць пісьменніцу прыйшлі супрацоўнікі Цэнтралізаванай бібліятэчнай сістэмы на чале з яе загадчыцай Марыяй Караваевай.
Напраканцы мерапрыемства Ірына Багданава перадала некалькі экзэмпляраў сваіх кніг з аўтарскім подпісам і найлепшымі пажаданнямі наваполацкім школам, а таксама ЦБС.
НОВОГОДНИЙ ПРАЗДНИК
09 Jan,2023Название: Новогодний праздник
Автор: Радько Нелли
Издание: Новополоцк сегодня. – 2022. – 20 дек. – С. 5.
После двухлетнего перерыва в центральную библиотеку им.В.Маяковского вернулся любимый новополочанами праздник для всей семьи – новогодняя феерия. В этом году программа мероприятия полностью обновилась и получила название «В ожидании чудес».
В фойе библиотеки можно было приобрести оригинальные подарки «Hande made», интересную книгу или календарь на будущий год. Пройдя чуть дальше – попробовать различные сладости в «Мульткафе» за просмотром советских мультфильмов.
На втором этаже учреждения расположились различные интерактивные площадки по мотивам любимых сказок детворы. Окунуться в мир ярких эмоций и незабываемых впечатлений юным новополочанам и их родителям помогали специалисты Централизованной библиотечной системы города. Они учили юных гостей мастерить, собирать пазлы, разгадывать увлекательные ребусы, играть в шарады, боулинг, ловить «рыбку», танцевать, гадать и даже джанк-журналы оформлять.
Для эффектного снимка мамы и папы поудобнее устраивались на импровизированные сани или с удовольствием располагались у чеширского кота. Очереди из желающих выстраивались на анималистический мэйкап.
С наступающим Новым годом и Рождеством детвору пришли поздравить главные сказочные герои – Дед Мороз и Снегурочка. Мальчишки и девчонки с радостью демонстрировали Дедушке свои таланты, за что получали сладкие подарки.
Анастасия: - Наша семья можно сказать, преданный друг «Новогодней феерии». Посещаем её каждый год. В нынешнем я пришла на праздник со своими детьми и племянником. Мне нравится многообразие площадок. Малышам здесь можно порисовать, полепить, пазлы пособирать, даже освоить навыки ловли рыбы. Конечно, гвоздь программы – Дед Мороз. Этот персонаж всегда вызывает восторг. Каждый островочек наполнен оригинальными развлечениями. Причём, интересно не только детям, но и взрослым. Я, например, впервые попробовала аквагрим. София: - Специально для этого праздника мы с мамой подготовили мне костюм по мотивам фантастической сказки «Гарри Поттер». Это моё любимое произведение. Мантию, шарфик подобрали подходящие.
Я тут все площадки обошла. Особенно мне понравилось проходить квесты и создавать джанк-журнал. Это такой блокнот из остатков старых тетрадей. Его украшают разными картинками, печатями. Получается очень красиво. Планирую записывать туда свои новогодние подарки.
Денис: - О празднике в библиотеке узнали из соцсетей. Решили прогуляться всей семьёй. Здесь интересно. Много конкурсов. Мои поучаствовали во всех, «настреляли» много конфет. Дочери понравилось «На неведомых дорожках» и «В гостях у Снежной королевы». Сын с удовольствием рисовал.
Хочется, чтобы подобных мероприятий для детей в нашем городе было побольше.
#Выставы
09 Jan,2023Название: Выставы
Автор: Радзько Нэлі
Издание: Новополоцк сегодня. – 2022. – 23 дек. – С. 16. – (PRO-КУЛЬТУРА).
Да канца снежня ў выставачнай зале бібліятэкі імя Я.Коласа працуе выстава навучэнкі 5-га класа Дзіцячай мастацкай школы імя І.Ф.Хруцкага Дыяны Шувалавай “Росквіт маёй душы”.
У экспазіцыі прадстаўлены лепшыя творы юнай мастачкі, выкананыя пад кіраўніцтвам педагогаў Алены Карпавай і Аляксея Плаксіна.
Першыя крокі ў творчасці Дыяна зрабіла ў студыі выяўленчага хмастацтва “Эцюд”. Падчас вучобы ў мастацкай школе пазнаёмілася з рознымі матэрыяламі і тэхнікамі стварэння карцін. На занятках папяровай пластыкай выкладчык Вольга Кузякова натхніла дзяўчыну гісторыяй ахітэктуры. Вучаніца з цікавасцю ўзялася за увасабленне вобразаў велічных збудаванняў у паперы і кардоне. Дарэчы, у якасці дыпломнага праекта старшакласніца робіць макет гомельскага палаца Румянцавых-Паскевічаў.
