Название: Гульня

Автор: Радзько Нэлі

Издание: Новополоцк сегодня. – 2022. – 24 июня. – С. 16. – (PRO-культура).

У дзіцячай бібліятэцы імя С.Маршака завяршылася летняя серыя гульняў для юных знатакоў “Што? Дзе? Калі? Дзеці супраць казачных герояў”.

Усё, як у вядомым тэлешоу: цікавыя пытанні, чорная скрыня, музычна-забаўляльная паўза, выпрабанні на веды, кемлівасць і згуртаванасць. Чаму плача кракадзіл? Якога колеру самыя халодныя зоркі? Банан – гэта трава або фрукт? Адказ на падобныя пытанні трэба было даць на працягу адной хвіліны.

Удзельнікамі гульняў сталі хлопчыкі і дзяўчынкі з прышкольных лагераў адпачынку гімназій №1 і 2, сярэдніх школ №4 і 8. Лепшых гульцоў адзначылі салодкімі падарункамі.