Автор: Радзько Нэлі

Издание: Новополоцк сегодня. – 2025. – 28 февр. – (PRO-культура).

Цэнтралізаваная бібліятэчная сістэма горада грунтоўна падрыхтавалася да святкавання Дня роднай мовы. Мерапрыемствы прайшлі ў некалькіх філіялах установы.

У бібліятэцы імя К.Сіманава юных новапалачан запрасілі на літаратурную гульню-віктарыну з загадкамі, рэбусамі і віртуальным падарожжам па гісторыі свята. А ў бібліятэцы імя У.Караткевіча на працягу тыдня праходзіла акцыя “Гучы, роднае слова”. Наведвальнікам раздавалі скруткі з прыказкамі і прымаўкамі, якія трэба было выцягнуць з кошыка і прачытать уголас. Побач працавала выстава літаратурных выданняў беларускіх пісьменнікаў, якія ў 2025 годзе адзначаюць юбілеі. У рамках ініцыятывы быў арганізаваны інтэлектуальны турнір, удзельнікамі якога сталі навучэнцы СШ №12.