Назва: У дзёрзкім, адважным і смелым палёце…

Аўтар: Галіна Сташкевіч, заснавальнік і кіраўнік літаратурна-музычнага аб’яднання “Крылы”

Выданне: Літаратура і мастацтва. – 2022. – 8 ліпеня. – С. 15.

Сёлета 20-годдзе з дня заснавання народнага літаратурна-музычнага аб’яднання “Крылы” дзяржаўнай установы культуры “Цэнтралізаваная бібліятэчная сітэма горада Наваполацка”. Стваральнік і кіраўнік – аўтар гэтых радкоў Галіна Сташкевіч.

Трэба нагадаць, што два дзесяцігоддзі таму распаліся наваполацкія “Крыніцы”, і многія літаратары шкадавалі, што няма дзе збірацца. Па маёй ініцыятыве 16 красавіка 2002 года мы ўпершыню сабраліся ў дзіцячай бібліятэцы імя Аляксандра Пушкіна, дзе я ў той час працавала бібліятэкарам чытальнай залы і вяла Пушкінскую літгасцёўню для старшакласнікаў. Каб зрабіць яе больш цікавай і разнастай, для падлеткаў і юнакоў часта ладзіла творчыя сустрэчы з паэтамі, празаікамі, бардамі – так былі зроблены першыя крокі да стварэння аб’яднання “Крылы”. Пра культурныя падзеі, якія адбываліся ў нашым горадзе, я пісала шмат публіцыстычных артыкулаў у рэгіянальныя газеты. З-пад майго пяра выходзілі і лірычныя замалёўкі, апавяданні, вершы, афарызмы. Шукала аднадумцаў.

Да літаратурнай часткі аб’яднання ледзь не адразу далучыліся і музыканты (потым прыйшлі да нас і тыя, хто добра выконвае песні і рамансы; хто іграе на фартэпіяна, скрыпцы, мандаліне). Па прапанове паэта-барда Міхаіла Зудзілава, калектыў атрымаў назву “Крылы”– увасабленне палёту думак, вобразаў, ідэй. Дэвізам служаць радкі з Пушкінскага верша “Пророк”: “Глаголом жги сердца людей”. Эмблемай з’яўляецца чароўны конь Пегас – як сімвал паэтычнага натхнення. Ёсць у нашага калектыву і гімн, яго аўтар – Тамара Талкачова. Мы сустракаліся кожны аўторак – больш за пятнаццаць гадоў!

Потым, па прапанове дырэктара цэнтралізаванай бібліятэчнай сістэмы Марыі Караваевай, са студзеня 2018 года я стала здзяйсняць дзейнасць кіраўніка літаратурна-музычнага аб’яднання “Крылья” пры цэнтральнай бібліятэцы імя У.Маякоўскага. У штогадовай рэспубліканскай акцыі “Культурная сталіца Беларусі” ў 2018 годзе гэтае званне атрымаў Наваполацк, таму ў цэнтральнай бібліятэцы былі праведзены літаратурныя сустрэчы з вядомымі пісьменнікам. Адкрываў цыкл гэтых мерапрыемстваў наш знакаміты зямляк, яскравы творца Навум Гальпяровіч. Бралі ўдзел у мерапрыемствах Таццяна Жылінская, Людміла Хейдарава і іншыя мінчане. У рамках акцыі прайшлі імпрэзы з удзелам наваполацкіх аўтараў, сярод якіх былі Тамара Талкачова і Іна Саламаха.

На працягу дваццацігадовага творчага шляху літаратурна-музычнага аб’яднання адбылося больш за пяцьсот культурна-масавых мерапрыемстваў. Прыемна адзначыць, што добры водгук атрымлівалі і мае вечарыны-імпрэзы. “Крылы” неаднаразова станавіліся пераможцамі рэгіянальных, абласных, рэспубліканскіх, міжнародных аглядаў, конкурсаў, фестываляў. У творчай скарбонцы маюцца самыя розныя ўзнагароды. Іх ужо і не злічыць! Помняцца першыя перамогі ўдзельнікаў калектыву: у 2003 годзе – дыпламанты Віцебскага абласнога конкурсу “Які цудоўны гэты свет”, у 2004 годзе – лаўрэаты Віцебскага абласнога конкурсу “Беларусь – мая песня!”. У 2005 годзе атрымалі званне “Народны калектыў”. У 2010 годзе аб’яднанне – лаўреат абласнога свята-конкурсу “Песняры Прыдзвінскага краю”, аўтар гэтых радкоў тады ж стала лаўрэатам прэміі “Прызнанне” ў галіне мастацтва і культуры Наваполацкага гарвыканкама. У 2011 годзе “Крылы” прымалі ўдзел у міжнародным фестывалі-конкурсе “Наша Двина – наша судьба” (Расія), у якім Іна Мароз перамагла ў намінацыі “Паэзія”. У 2012 годзе Тамара Талкачова ўзнагароджана медалём “За заслугі” Наваполацкага гарвыканкама.

Чатыры разы “Крыы” ўдзельнічалі ў Віцебскім абласным свяце-конкурсе самадзейных паэтаў і кампазітараў “Песні сунічных бароў”, які перыядычна праходзіць у жывапісным мястэчку Лёзна. У Наваполацк мы заўсёды вярталіся з багатым “сунічным ураджаем” – усяго прывезлі пятнаццаць дыпломаў. У 2021 годзе ў Рэспубліканскім конкурсе творчых работ “За што я люблю родную мову” Ірына Вашчанка атрымала дыплом пераможцы ў намінацыі “Магутная сіла паэзіі”. У 2022 годзе лаўрэатамі Міжнароднага літаратурнага конкурсу “Славянскі калейдаскоп” сталі маладыя “крылаўцы” Юлія Загнетава і Маргарыта Змітровіч.

Кожны ўдзельнік калектыву – наш гонар і слава! Двое з іх прыняты ў Саюз пісьменнікаў Беларусі: у 2007 годзе – Тамара Талкачова, у 2021 годзе – Іна Саламаха. Ганарымся мы і поспехамі Галіны Худніцкай, Ларысы Сакарэнка, Алёны Штукінай, Ганны Аляскеравай, Феніі Грынёвай, Юліі Загнетавай, Міхаіла Зудзілава, Вадзіма Саўрова. . .

У 2006 годзе “крылаўцы” падтрымалі мяне яшчэ з адным праектам – стварэнне серыі кніг “Паэтычная бібліятэчка “Крылаў” (мастак-афарміцель – Галіна Худніцка). За гэты перыяд былі падрыхтаваныя да друку кнігі Ганны Аляскеравай, Вячаслава Атрахімовіча, Венядзікта Грынёва, Аляксандра Шыпілы . . . Многія аматары за гэты час сталі прафесіяналамі. Ужо і ў самой напісана не на адну кніжку, але, як кажуць, “шавец без ботаў”. З лірычнымі творамі і апавяданнямі неаднаразова была прадстаўлена на старонках “ЛіМа”, а таксама ў регіянальных перыядычных выданнях.

За два дзесяцігоддзі адбылося шмат самых розных падзей, вынікам якіх стаў юбілейны канцэрт-справаздача ў зале мастацтваў цэнтральнай бібліятэкі імя У.Маякоўскага. Больш падрабязна пра гэтае мерапрыемства (як і пра асноўную дзейнасць калектыву) можна даведацца на старонцы “Літаратурна-музычнае аб’яднанне “КРЫЛЫ”, якую я вяду з сакавіка 2005 года ў сацыяльнай сетцы Facebook ( https://www.facebook.com/wings.novopolozk).

Я адчуваю вялікую асалоду ад таго, што на працягу шматлікіх гадоў наш калектыў знаходзіцца ў дзёрзкім, смелым і адважным палёце сваіх думак, мараў, фантазій, вобразаў, ідэй!

ГАЛІНА СТАШКЕВІЧ, заснавальнік і кіраўнік

літаратурна-музычнага аб’яднання “Крылья”

ДУК “ЦБС горада Наваполацка”

# АКЦЫЯ

Название: Акцыя

Автор: Радзько Нэлі

Издание: Новополоцк сегодня. – 2022. – 15 июля. – С. 16. – (PRO-культура).

У межах брэнд фестывалю “Якуб Колас ФЭСТ” у бібліятэцы, што носіць імя знакамітага літаратара, арганізавалі вулічную акцыю “Горад чытае Купалу і Коласа”.

Супрацоўнікі ўстановы прадставілі кніжную выставу на адкрытым паветры, а новапалачане дэкламавалі ўрыўкі з твораў класікаў, знаходзілі адказы на пытанні эрудыт-віктарыны, адкрывалі для сябе новыя творы і гістарычныя факты, звязаныя з жыццёвым і творчым шляхам паэтаў.

# ВЫСТАВА

Название: Выстава

Автор: Радзько Нэлі

Издание: Новополоцк сегодня. – 2022. – 15 июля. – С. 16. – (PRO-культура).

Шэсцьсот катоў з 60 краін свету вось ужо месяц ласкава «муркочуць» у бібліятэцы імя Я.Коласа. Адкуль яны тут з’явіліся? З прыватнай калекцыі віцябляніна Дзмітрыя Рыжыка.

Па роду занятку Дзмітрый – турагент з 27-гадовым стажам і папулярны інстаблогер. Сваю «вусатую брыгаду» ён пачаў збіраць 10 гадоў таму, пасля наведвання Чарнагорыі.

– У гэтай краіне ёсць горад катоў – Котар. Іх тут насамрэч шмат. Вузкія завулкі, аркі, карнізы, лесвіцы, дворыкі – такое адчуванне, што ўся інфраструктура спраектавана для камфорту хатніх любімцаў. У сувенірнай лаўцы «Cats of Kotor» можна набыць унікальныя тэматычныя вырабы мясцовых мастакоў. Я не вытрываў – купіў сабе цішотку і талерку, якія, па сутнасці, і сталі першымі экспаната­мі маёй калекцыі. Потым стаў прыглядацца да коцікаў у іншых кропках свету. Хутка ў маёй вандроўнай валізцы пачало «прылятаць» па 5–10 котасувеніраў. Актыўна падключыліся сяб­ры. Нават падаравалі мой партрэт у выглядзе рыжага Базіліа. Неўзабаве сабралася вялізная брыгада. Знаёмыя параілі выстаўляцца. Дэбют састаяўся ў прыватным віцебскім музеі, Наваполацк стаў другім месцам, куды прыехалі мае кацяняткі, – гаворыць Дзмітрый Рыжык.

Экспазіцыя сапраўды ўражвае! Тут сабраны каты з самых розных матэрыялаў. Драўляныя, керамічныя, ласкутныя, шкляныя… Асаблівую цікавасць прадстаўляюць паласаты прыгажун у масцы – адсылка да перыяду панавання пандэміі каранавіруса, і сюрэалістычная кампазіцыя з тэатра-музея Далі, што знахо­дзіцца ў iспанскім горадзе Фігерасе.

Цікавы факт! Да канца жніўня гэтую дзіўную калекцыю можна не толькі ўбачыць, але і папоўніць. Аматар з радасцю прыме ў дар новую фігурку. Асаблівую каштоўнасць прадстаўляюць тыя, што выкананы сваімі рукамі. Усе заробленыя ад выставы сродкі будуць пералічаны на рахунак прыюта для бяздомных жывёл Наваполацка.

В канун Всемирного дня мозга в детской библиотеке им. А.С.Пушкина была организована интеллектуальная игра «Сказочный чемпионат», посвящённая этой дате. Юные читатели получили возможность проверить свои интеллектуальные способности: память, внимание, мышление, восприятие. Детям предстояло вспомнить мультфильм, цитату из которого они увидели на экране; восстановить пропущенные строчки в таблице, посвящённой сказкам их авторам и главным героям произведений; найти «четвертого лишнего» в цепочке детских произведений и обосновать своё решение. В конце мероприятия все участники получили сладкие подарки.

А всех читателей приглашаем в библиотеку за книгами, которые помогут развить интеллектуальные способности.

 {gallery}stories/2022/20220725-chempionat{/gallery}