Літаратурная гутарка ”У свеце беларускай казкі“ прайшла 16 лістапада ў дзіцячай бібліятэцы імя С.Маршака. Дашкаляты з дзіцячага садка №25 пазнаёміліся з рознымі беларускімі народнымі казкамі, даведаліся, на якія групы яны дзеляцца па свайму паходжанню – пра жывёл, чарадзейныя, сацыяльна-бытавыя. Дзеці з задавальненнем адгадвалі загадкі, завучвалі лічылкі і скорагаворкі, удзельнічалі ў казачнай віктарыне.

Потым малыя трапілі ў сапраўдную казку, таму што ў новым тэатральным сезоне лялечны тэатр ”Церамок“ падрыхтаваў для сваіх гледачоў сваю першую пастанову на беларускай мове. Увазе маленькіх аматараў тэатра была прапанавана беларуская народная казка ”Страшны Пых“. Дашкаляты з цікавасцю назіралі за дзеяннямі, якія адбываліся на сцэне. Вясёлыя дыялогі казачных герояў выклікалі смех і добры настрой у дзяцей і дарослых.

Запрашаем усіх жадаючых на сустрэчу з казкай у дзіцячую бібліятэку імя С. Маршака.