Першага верасня – Дзень ведаў. Дзе, як ні ў храме літаратуры яго святкаваць? Дзіцячая бібліятэка імя С.Маршака стала пляцоўкай для правядзення патрыятычнага мерапрыемства – краязнаўчай гутаркі «Мой край завецца Беларусь». Разам з супрацоўнікамі бібліятэкі вучні 6«В» СШ №4 здзейснілі віртуальнае падарожжа па родным краі, паглыбілі свае веды аб Беларусі, яшчэ раз пераканаліся, што няма лепшага кутка ва ўсім свеце, чым зямля бацькоў.

Мэтай мерапрыемства было прывіццё паважлівага стаўлення да мінулага і будучага Беларусі, яе гісторыі і культурных каштоўнасцей, выхаванне пачуцця патрыятызму і гонару за прыналежнасць да роднай краіны, беларускага народа.