4 жніўня супрацоўнікі бібліятэкі ім.Я.Коласа прапанавалі жыхарам і гасцям горада стаць удзельнікамі вулічнай акцыі ”Слова нас яднае“, якая адкрывае чаргу мерапрыемстваў, прысвечаных Дню народнага адзінства.

У рамках акцыі вялася гаворка пра нашу родную Беларусь, пра яе самы добры, мірны, цярплівы народ, пра культуру і традыцыі сінявокай. Безумоўна, асобна стаяла тэма беларускай літаратуры. Беларусь заўсёды ставілася да краін з высокай кніжнай культурай. Кніга, сапраўды, яднае беларусаў, падкрэслівае пераемнасць пакаленняў, непахіснасць і самадастатковасць беларускай нацыі і дзяржаўнасці.

Удзельнікам акцыі былі прапанаваны кнігі як класікаў беларускай літаратуры, так і сучасных аўтараў. А яшчэ кожны зацікаўлены стаў удзельнікам інтэлектуальнай віктарыны, па выніках якой атрымліваў у падарунак кнігу і салодкі прысмак.