У зале мастацтваў ЦБ імя У.Маякоўскага 14 сакавіка адбылася святочная вечарына-канцэрт “Сакавіцкая сюіта” літаратурна-музычнага аб’яднання “Крылы”, прысвечаная Сусветнаму дню пісьменніка і Міжнароднаму дню жанчын. У цесным і дружным коле сяброў-“крылаўцаў” і прыхільнікаў іх творчасці прагучалі самыя розныя літаратурна-музычныя творы, якія склалі прыгожую сакавіцкую сюіту.

Кіраўнік аб’яднання і пісьменніца Галіна Сташкевіч не толькі распавяла гаворку пра святы сакавіка, а і прачытала свае лірычныя замалёўкі “Вясенняя сюіта” і “Закаханая”. Паэтэса-“крылавец” і член Саюза пісьменнікаў Беларусі Іна Мароз аздобіла канцэртную праграму аўтарскімі вершаванымі кампазіцыямі “Голас душы”, “Жанчына. Вясна. Каханне”. Да хвалюючага вобраза жанчыны ў сваіх вершах звярнуўся паэт Андрэй Шнітко. У выкананні паэтэсы-барда Людмілы Мяхедка прагучалі песні Булата Акуджавы, а таксама песні, напісаныя ёю на вершы паэта Аляксандра Шыпілы. Аляксандр Ігонін выканаў вядомы цыганскі раманс “Очи чёрные” і прачытаў вершы пра жынчын Сяргея Грахоўскага. Валянціна Пакрапіўная пазнаёміла з вясеннімі вершамі паэтэсы Ніны Дзянісавай, адбылася прэм’ера яе новай музычнай п’есы “Вясенні вецер”, якую яна пасвяціла Дню жанчын. Прагучалі вядомыя эстрадныя песні з рэпертуару Маі Крысталінскай у выкананні Феніі Грынёвай, якія вельмі радушна сустрэлі слухачы. Сталі цудоўным падарункам для жанчын песні “Восьмое марта”, “Метели марта” паэта-барда Міхаіла Зудзілава. Заключным нумарам канцэрта стаў верш “Письмо матери” Сяргея Ясеніна, які прагучаў у выкананні і музычным аздабленні Людмілы Мяхедка. Гэты верш ЮНЭСКА прызнала лепшым вершам сярод вершаў, напісаных калі-небудзь пра маці.

Больш падрабязна – на старонцы літаратурна-музычнага аб’яднання “Крылы” (Facebook).