Да Дня Незалежнасці Рэспублікі Беларусь у дзіцячай бібліятэцы імя С.Маршака адбылася краязнаўчая акцыя “Падарожжа па краіне беларусаў”. На намаляванай карце хлапчукі і дзяўчынкі шукалі месцазнаходжання славутых мясцін, заводаў і помнікаў, якімі знакамітая наша Радзіма. Амаль усім удзельнікам было вядома, дзе знаходзіцца Нацыянальная бібліятэка Беларусі, а вось у якой вобласці працуе шклозавод “Нёман”, дзе вырабляюць машыны “Белаз”, дзе жыве беларускі Дзед Мароз, дзеці разбіраліся разам з бібліятэкарамі і бацькамі. А дашкаляты падчас акцыі “пасадзілі” кветкі-васількі на карце Беларусі.