#Сустрэча
21 Dec,2023Название: #Сустрэча
Автор: Радзько Нэлі
Издание: Новополоцк сегодня. – 2023. – 15 дек. – С. 16. – (Дайджест).
Знаёмства з людзьми, што праслаўляюць свой край. Дзіцячая бібліятэка імя А.С.Пушкіна арганізавала цікавую сустрэчу з творчымі асобамі горада: мастаком Яўгенам Панамарэнка і акардэаністам-віртуозам Аляксандрам Шабуцкім.
Гасцямі мерапрыемства сталі навучэнцы 9-х класаў СШ №3 імя В.В.Шчарбакова. Знакаміты наваполацкі акварэліст, член Саюза мастакоў Беларусі Яўген Георгіевіч падзяліўся гісторыяй, як захапленне мастацтвам ў дзяцінстве стала яго прафесіяй па жыцці. Пазнаёміў дзяцей са сваімі працамі і адказаў на шматлікія пытанні.
Выкладчык музычнага каледжа Аляксандр Шабуцкі прыйшоў са сваімі вучнямі: Ганна Брылевіч расказала пра насычанае студэнцкае жыццё, спецыяльнасці і калектывы ўстановы, а Дзяніс Фядзевіч выканаў некалькі твораў для публікі.
#Выстава
21 Dec,2023Название: #Выстава
Автор: Радзько Нэлі
Издание: Новополоцк сегодня. – 2023. – 15 дек. – С. 16. – (Дайджест).
Да 11 студзеня ў выставачнай зале цэнтральнай бібліятэкі імя У.Маякоўскага працуе персанальная выстава Вольгі Трус “Сатворчасць мрояў і рэальнасці”.
Вольга жыве і працуе ў Наваполацку. Скончыла Віцебскі дзяржаўны тэхналагічны ўніверсітэт. Доўгі час працавала мадэльерам-дызайнерам, а нядаўна занялася жывапісам. За сваю творчую кар’еру стала прызёрам міжнародных конкурсаў “Белая Амфара” (г. Віцебск), “Мастацтва сілуэта”, “Эмоцыі”, “Арт-сезоны” (г. Масква), “Адміралцейская іголка” (г. Санкт-Пецярбург). Дзякуючы такому поспеху была прынята ў Прафесійны саюз мастакоў Расіі.
На выставу, што размясцілася ў цэнтральнай бібліятэцы, аўтар перадала боль за 20 твораў, створаных за апошнія 25 гадоў.
Канцэрты
29 Nov,2023Название: Канцэрты
Автор: Радзько Нэлі
Издание: Новополоцк сегодня. – 2023. – 24 нояб. – С. 16. – (PRO-культура).
Пад знакам рэспубліканскай акцыі “Наваполацк – Маладзёжная сталіца 2023 года” ў зале мастацтваў цэнтральнай бібліятэкі імя У.Маякоўскага прайшла сустрэча з пачынаючай наваполацкай паэткай, выканаўцай эстрадных песень, удзельніцай народнага літаратурна-музычнага калектыву “Крылы” Маргарытай Змітровіч.
Вядучая мерапрыемства, кіраўнік літ’абяднання Галіна Сташкевіч прадставіла творчы партрэт гераіні вечара. Адзначыла дасягненні маладой аўтаркі, сярод якіх дыплом лаўрэата Міжнароднага літаратурнага конкурсу “Славянскі калейдаскоп”.
Праз свае лірычныя вершы Маргарыта Змітровіч дзялілася са слухачамі асабістымі пачуццямі, эмоцыямі, прызнавалася ў любові роднаму гораду. Парадавала публіку выкананнем знакамітых эстрадных песень на беларускай, рускай і англійскай мовах.
Да творчасці выступоўцы звярнулася паэтка-бард, удзельнік “Крылаў” Людміла Мяхедка, якая была настаўніцай рускай мовы і літаратуры дзяўчыны, а таксама крытыкам першых вершаў сваёй вучаніцы. На канцэрце Людміла Канстанцінаўна выступіла сааўтарам Маргарыты, напісаўшы музыку да яе твораў.
Форумы
14 Nov,2023Название: Форумы
Автор: Радзько Нэлі
Издание: Новополоцк сегодня. – 2023. – 10 нояб. – С. 16. – (PRO-культура).
Загадчык аддзела абслугоўвання наваполацкай дзіцячай бібліятэкі імя С.Маршака Анастасія Крупко стала ўдзельніцай Міжнароднай спецыялізіраванай культурна-адукацыйнай праграмы “Нашы бібліятэкі: руская мова, як родная”, арганізаванай па лініі Рассупрацоўніцтва.
Мерапрыемства, якое прайшло напрыканцы кастрычніка ў Санкт-Пецярбургу, наведалі прадстаўнікі Беларусі, Расіі, Азербайджана, Казахстана, Кіргізіі, Паўднёвай Асеціі. Напрацягу чатырох дзён госці дзяліліся сваімі распрацоўкамі, абменіваліся вопытам, знаёміліся з матэрыяльна-тэхнічнай базай лепшых бібліятэк горада на Няве.
У завяршэнні адукацыйнай часткі былі падведзены вынікі дзейнасці праграмы прафесійнага развіцця і адзначаны лепшыя ў конкурсе напісання эсэ. Анастасія Крупко атрымала сертыфікат удзельніка сустрэчы і была ўзнагароджана дыпломам пераможцы ў намінацыі “Кніга, якая змяніла маё жыццё” за аповяд, напісаны па кнізе Антуана дэ Сэнт-Экзюперы “Маленькі прынц”.
Сустрэча
01 Nov,2023Название: Сустрэча
Автор: Радзько Нэлі
Издание: Новополоцк сегодня. – 2023. – 27 окт. – С. 16. – (PRO-культура).
У рамках рэспубліканскага тыдня бацькоўскай любові член Саюза пісьменнікаў Беларусі Лідзія Піскун правяла сустрэчу з навучэнцамі БШ №10, на якой прэзентавала сваю новую кнігу “Дзіўныя гісторыі Шалі і Полі”.
На мерапрыемстве, якое разгарнулася ў цэнтральнай бібліятэцы імя У.Маякоўскага, паэтка распавяла пра вытокі свята Дня маці, сацыяльныхпраектах па ахове дзяцінства ў нашай дзяржаве. Прадствала сваё новае выдане, якое выйшла ў свет напачатку верасня 2023 года. У простай дасціпнай форме кніга знаёміць дзяцей малодшага школьнага ўзросту з рознымі праявамі навакольнага свету, вучыць дабрыні, сяброўству, шчырасці.
Хлопчыкі і дзяўчынкі з цікавасцю слухалі аўтара, прымалі ўдзел у гульні “Сям’я – гэта сем Я”, наносячы на пялёсткі бэйджыкаў-рамонкаў імёны сваіх родзічаў, а таксама паспрабалі сябе ў ролі акцёраў міні-спектакля па расказу Лідзіі Піскун “Чужы арэшак”.
Форумы
01 Nov,2023Название: Форумы
Автор: Радзько Нэлі
Издание: Новополоцк сегодня. – 2023. – 27 окт. – С. 16. – (PRO-культура).
Супрацоўнікі Наваполацкай цэнтралізаванай бібліятэчнай сістэмы прынялі ўдзел ў Х Міжнародным кангрэсе “Бібліятэка як феномен культуры”, прымеркаваным да Года міра і стварэння.
На пляцоўках форму прайшлі мерапрыемствы, прысвечаныя абмеркаванню галоўных пытанняў па тэмах “Бібліятэка як стваральная прастора”, “Лічбавая трансфармацыя дзейнасці”, “Інавацыйная дзейнасць”. Падчас правядзення круглага стала выступіла новапалачанка, загадчыца аддзела абслугоўвання цэнтральнай бібліятэкі імя У.Маякоўскага Наталля Корсак. Яна падзялілася з прысутнымі практычным вопытам па папулярызацыі кнігі і чытання сярод жыхароў нашага горада.
Выстава
01 Nov,2023Название: Выстава
Автор: Радзько Нэлі
Издание: Новополоцк сегодня. – 2023. – 27 окт. – С. 16. – (PRO-культура).
У бібліятэцы імя Я.Коласа праходзіць персанальная выстава юнага, але ўжо паспяховага наваполацкага мастака Льва Навіцкага “Натхненне”.
Ураджай узнагарод таленавітага хлопца сапраўды ўражвае. Навучэнец 4-га класа Дзіцячай мастацкай школы імя І.Ф.Хруцкага мае за сваімі плячамі некалькі дзясяткаў перамог на конкурсах самага рознага ўзроўню. Сярод яго апошніх дасягненняў – дыплом лаўрэата І ступені на такіх прэстыжных спаборніцтвах, як ХІІ Міжнародны пленэр “Палітра Прыдзвіння”, Усерасійскі фестываль маладых дызайнераў “Пяты кут”, абласная выстава-конкурс “Велікодная радасць”.
Выкладчык школы Ірына Башун адзначае: “У Льва развітая фантазія, нестандартны вобраз думак. На занятках ён уважлівы да тлумачэнняў, рэкамендацый. Мэтанакіраваны, працавіты, начытаны, рознабаковы. Гэтыя якасці дапамагаюць яму пераадольваць цяжкасці і хутка засвойваць выяўленчую грамату. На выніковых праглядах яго работы заўсёды вылучаюцца арыгінальнасцю ў тэхніцы і манеры выканання”.
Праект
23 Oct,2023Название: Праект
Автор: Радзько Нэлі
Издание: Новополоцк сегодня. – 2023. – 20 окт. – С. 16. – (PRO-культура).
Публічны цэнтр прававой інфармацыі Цэнтралізаванай бібліятэчнай сістэмы г. Наваполацка размясціў на сайце ўстановы новы выпуск электроннага дайджэста за 3 квартал 2023 года “Сям’я і дзяцінства”.
Праект бібліятэкараў напраўлены на шырокае кола гледачоў. Ён будзе карысны не толькі дарослым, але і юным гараджанам.
У другі выпуск увайшлі артыкулы з сайтаў pravo.by, Фэдэрацыі прафсаюзаў Беларусі аб правах цяжарных жанчын, дзіцячых дапамогах, працоўных і сацыяльных гарантыях бацькоў, сямейным капітале. Публікацыі размешчаны ў храналагічным парадку, утрымліваюць караткі змест і спасылку на поўны тэкст дакумента. Плённая праца супрацоўнікаў цэнтра дае магчымасць не разгубіцца ў віры інфармацыі і не прапусціць што-небудзь карыснае.
Свята і пяшчота
17 Oct,2023Название: Свята і пяшчота
Автор: Сташкевіч Галіна
Издание: ЛіМ. – 2023. – № 41 (13 кастр.) – С. 2.
У зале мастацтваў цэнтральнай біблятэкі імя У.Маякоўскага горада Наваполацка адбылася выстаўка-канцэрт “Прыцягненне” Галіны Худніцкай – беларускай мастачкі, паэтэсы, якая больш за дваццаць гадоў сярод удзельнікаў наваполацкіх “Крылаў”.
Былі прадстаўлены яе новыя мастацкія работы, а таксама аўтарскі альбом графічных работ “Прагулка ў восень”, выданні, якія Галіна Худніцкая праілюстравала.
Да вершаў паэтэсы звярнуліся музыканты і спевакі. Песні прагучалі ў музычным аздабленні і выкананні Ірыны Вашчанкі, Ірыны Каралёвай, Ліліі Чарняўскай. Свае вершы чыталі і паэтэса.
З 1996 года Галіна Сяргееўна прафесійна займаецца жывапісам па тканіне і батыкам, ствараючы пейзажы, нацюрморты, абстрактныя карціны. З 2012 года працуе ў тэхніцы сухой пастэлі, развіваючы некалькі серый, сярод якіх – пушкініяна, прысвечаная жывапісным пейзажам Пушкінскіх гор. У гэтых мясцінах яна была на шматлікіх мастацкіх плэнерах.
Тры месяцы экспанавалася яе вялікая выстаўка пушкінскай серыі ў Расійскім доме навукі і культуры (Германія, Берлін). Са сваім мастацтвам Галіна Худніцккя была прадстаўлена на свяце Пушкінскай паэзіі і рускай культуры ў Дзяржаўным музеі-запаведніку А.С.Пушкіна “Міхайлаўскае”. Персанальная выстаўка Галіны Худніцкай праходзіла ў Палацы мастацтва горада Мінска.
Выстава
09 Oct,2023Название: Выстава
Автор: Радзько Нэлі
Издание: Новополоцк сегодня. – 2023. – 6 окт. – С. 16. – (PRO-культура).
Да 20 кастрычніка ў цэнтральнай біблятэцы імя У.Маякоўскага працуе выстава беларускай мастачкі, паэткі, удзельніцы народнага літаратурна-музычнага калектыву “Крылы” Галіны Худніцкай “Прыцягненне”.
У экспазіцыю ўвашло 20 карцін, напісаных сухой пастэллю, і распісаныя ў тэхніцы бацік паланціны. Усе яны прысвечаны прыгажосці навакольнай прыроды. Касачы, гарлачыкі, вяргіні – разглядваючы графічныя палотны мастачкі, глядач быццам здзяйсняе падарожжа па незвычайнаму свету колераў і форм кветкавага міру. Яе работы захапляюць паветранасцю, мяккасцю ліній, жывапіснасцю мастацкага матэрыяла.
Адкрыццё выставы сумясцілі з творчым вечарам, прысвечаным юбілею мастачкі. Музычнай прэлюдыяй стала папуры на фартэпіяна ад Валянціны Пакрапіўнай. Кіраўнік “Крылаў” Галіна Сташкевіч прадставіла творчы партрэт мастачкі, а Ірына Вашчанка, Ірына Каралёва і Лілія Чарняўская выканалі лірычныя песні, напісаныя на радкі Галіны Худніцкай. Апошняя пазнаёміла прысутных са сваімі жывапісам і вершамі, аўтарскім альбомам графічных работ “Прагулка ў восень. Міхайлаўскае. Трыгорскае, Пятроўскае”.
У адрас гераіні вечара было выказана шмат цёплых слоў з пажаданнямі радаваць прыхільнікаў новымі цікавымі праектамі.