Автор: Радзько Нэлі

Издание: Новополоцк сегодня. – 2024. – 16 авг. – С. 16. – (PRO-Культура).

Супрацоўнікі бібліятэкі імя Я.Коласа правялі вулічную акцыю “Літ-фармат”, падчас якой прадставілі новапалачанам калекцыю кніг, падараваных удзячнымі чытачамі.

Гараджане маглі не толькі пазнаёміцца з літаратурнымі выданнямі розных накірункаў і стыляў, але і прыняць удзел у інтэлектуальнай гульні на веданне гісторыі бібліятэкі.

Як расказала загадчыца ўстановы Святлана Асташкіна, з падобнымі ініцыятывамі супрацоўнікі першага філіяла ЦБС выходзяць кожны месяц з вясны па восень. Мэта мерапрыемства – прыцягнуць шырокую аўдыторыю да чытання, а таксама падарыць людзям станоўчыя эмоцыі і добры настрой.

Бліжэйшая акцыя пад назвай “Класіка на кожным кроку” запланавана на верасень.