Название: Конкурсы

Автор: Радзько Нэлі

Издание: Новополоцк сегодня. – 2022. – 8 июля. – С. 16. – (PRO-культура).

Юбілеі вядомых беларускіх пісьменнікаў Янкі Купалы і Якуба Коласа натхнілі спецыялістаў дзіцячай бібліятэкі імя А.С.Пушкіна на правядзенне новага анлайн-марафона “Дзеці чытаюць Купалу і Коласа”.

Прыняць удзел вельмі проста – трэба зняць відэа з дэкламыцыяй твораў знакамітых аўтараў і даслаць на электронны адрас This email address is being protected from spambots. You need JavaScript enabled to view it.. Ролікі прымаюцца з ліпеня па кастрычнік. Лепшых чакаюць прызы.

Дарэчы, выдатным месцам для стварэння відэасюжэтаў можа стаць цэнтральная бібліятэка імя У.Маякоўскага, дзе нядаўна пачала сваю працу выстава-экспазіцыя “Беларускай песні ўладар”, прысвечаная 140-годдзю з дня нараджэння Я.Купалы. На выставе прадстаўлена багатая калекцыя кніг з фонду ўстановы на беларускай і рускіх мовах, энцыклапедыі, аўдыёвізуальныя дакументы на электронных носьбітах, рэпрынтныя і факсімільныя выданні наролнага паэта Беларусі.

Грунтоўна да круглай гадзіны з дня нараджэння Якуба Коласа падышлі ў наваполацкай бібліятэцы, што носіць імя літаратара.

Ва ўстанове запусцілі новы брэнд-фестываль “Якуб Колас ФЭСТ”, адным з самых яркіх праектаў якога стаў гарадскі творчы конкурс юных чытальнікаў “Коласаўскімі сцежкамі”. Удзел у спаборніцтве прынялі 29 юных новапалачан з 15 устаноў дашкольнай адукацыі. Хлопчыкі і дзяўчынкі ва ўзросце ад 4 да 7 гадоў з нэпасрэднай дзіцячай шчырасцю чыталі творы беларускага класіка. Кожны выступоўца атрымаў асабісты сэртыфікат, салодкі падарунак і дзіцячую кнігу. Першае месца заваявала выхаванка я/с №19 Любава Паказанева, другое – Ігнат Кавалёў (я/с №33), трэцяе – Паліна Пашкевіч (я/с №34).