Название: PRO-культура

Автор: Радзько Нэлі

Издание: Новополоцк сегодня. – 2021. – 24 сент. - С. 16.

Дзень адкрытых дзвярэй

Пятнаццатага верасня ў бібліятэцы імя А.С.Пушкіна прайшоў дзень адкрытых дзвярэй. Усім наведвальнікам бібліятэкары прапанавалі згуляць у бяспройгрышную латарэю “Кніжны джэм”, паглядзець відэадайджэст “Знакамітыя бібліятэкі свету”, пазнаёміцца з кніжнымі навінкамі і нават зрабіць беларускую ляльку пад кіраўніцтвам майстра Цэнтра рамёстваў і традыцыйнай культуры Галіны Акуцёнак.

У межах мерапрыемства прайшло ўзнагароджванне пераможцаў конкурсу летняга чытання “Чытайце самі, чытайце з намі!”. Самым юным удзельнікам творчага спаборніцтва стала Аліса Пячонка. Лідэрства ва ўзроставай катэгорыі 6-9 гадоў падзялілі навучэнцы БШ №10 Ягор Гашаў і гімназіі Георгій Пятроўскі.Сярод 10-12 гадовых удзельнікаў пераможцам стаў яшчэ адзін навучэнец дзясятай школы – Канстанцін Іваноў, а ў катэгорыі 13-15 гадоў – Валерыя Шляпяцец з СШ №3.