Пад знакам Года беларускай жанчыны і Сусветнага дня пісьменніка 3 сакавіка ў зале мастацтваў ЦБ імя У.Маякоўскага народны літаратурна-музычны калектыў «Крылы» правёў святочны канцэрт. Кіраўнік калектыву Галіна Сташкевіч прадставіла кніжныя выданні «крылаўцаў» і зрабіла агляд выставы, якая выклікала вялікую цікаўнасць у гледачоў.

У Сусветны дзень пісьменніка літаратурную частку канцэрта склалі прыгожыя лірычныя вершы, замалёўкі, апавяданні. Разнастайныя творы, прысвечаныя вясне, жанчыне, каханню, чыталі Ларыса Гілясева, Віктар Ермачэнка, Ірына Жалейка, Яўгенія Курачова, Іна Мароз, Галіна Сташкевіч, Вера Урбан. Вяселы вясенні настрой стваралі музычныя п’есы Валянціны Пакрапіўнай, а таксама лірычныя песні ў аўтарскім выкананні Міхаіла Зудзілава і Ліліі Чарняўскай.

Было па-вясенняму святочна, радасна і ўтульна. Больш падрабязна пра гэта мерапрыемства на старонцы літаратурна-музычнага аб’яднання «Крылы» (Facebook).

Радзько, Н. #Акцыі / Нэлі Радзько // Новополоцк сегодня. – 2026. – 27 февр. – С. 16 – (PRO-культура).

Аб акцыях да Міжнароднага дня роднай мовы ў бібліятэках ЦБС г. Наваполацка.

Пад знакам Года беларускай жанчыны і Сусветнага дня пісьменніка ў першы дзень сакавіка народны літаратурна-музычны калектыў «Крылы» ЦБС г.Наваполацка ладзіў канцэрт у Полацкім пагранічным атрадзе, вайсковая частка 2034. Кіраўнік калектыву Галіна Сташкевіч на працягу многіх гадоў вядзе цеснае супрацоўніцтва з пагранічным атрадам. Вось і на гэты раз яна прадставіла цікавых і таленавітых жанчын-«крылаўцаў», адзначыўшы творчыя дасягненні кожнай з іх.

У выкананні Феніі Грынёвай прагучалі прыгожыя лірычныя вершы і песні паэта Венядзікта Грынёва. Праз меладэкламацыю ўзнёсла і артыстычна свае вершы чытала Іна Мароз (Саламаха). Веснавы святочны настрой стваралі аўтарскія песні і вядомыя рамансы ў выкананні Алены Штукінай. Цудоўным вясеннім настроем былі напоўнены вершы і замалёўкі Галіны Сташкевіч.

Было па-вясеннему сонечна, лагодна, радасна. Нават адзін смелы пагранічнік прыгожа танчыў для ўсіх. Больш падрабязна пра гэта мерапрыемства на старонцы літаратурна-музычнага аб’яднання «Крылы» (Facebook).