Название: Выстава

Автор: Радзько Нэлі

Издание: Новополоцк сегодня. – 2020. – 31 июля. - С. 16.

Да 21 жніўня ў бібліятэцы імя Я.Коласа працуе фотавыстава “Я так бачу!”. На экспазіцыі прадстаўлена 79 работ удзельнікаў-членаў моладзевага інклюзіўнага клуба “Дабрыня” (кіраўнік Аляксандр Муждабаеў), які аб’ядноўвае маладых людзей з абмежаваннямі і юных валанцёраў. Работа над выставай вялася на працягу года. Лепшыя здымкі адбіралі прафесіянальныя фатографы. Галерэя прадстаўленных работ вельмі разнастайная, але ўсіх іх аб’ядноўвае адно – своеасаблівы погляд на звыклыя для нас рэчы.  

Название: Праект

Автор: Усоўская Алеся

Издание: Новополоцк сегодня. – 2020. – 24 июля. - С. 16.

І яшчэ адзін цікавы праект прапануе бібліятэка імя А.С.Пушкіна. Да канца лета ў чытальнай зале працуе інтэрактыўная пляцоўка “Гульнялэнд”. Для дзяцей арганізаваны забавы па інтарэсах: настольныя гульні, крыжаванкі, вырабы з паперы. Для самых маленькіх прадугледжаны куток з размалёўкамі. Юныя чытачы разам з матулямі і бабулямі не толькі гуляюць, але і знаёмяцца з дзіцячымі часопісамі і кнігамі. Самых актыўных штотыдзень чакаюць прызы і прыемныя сюрпрызы. Уладальніцай першага з іх стала Вера Шумілкіна, якая разам з бабуляй Аленай Яўгенаўнай штодня наведвалася ў кожны куток забаўляльнай краіны “Гульнялэнда”.  

Название: Конкурсы

Автор: Усоўская Алеся

Издание: Новополоцк сегодня. – 2020. – 24 июля. - С. 16.

У бібліятэках Наваполацка працягваюцца дзіцячыя конкурсы летняга чытання.

Да ўдзелу ў творчым спаборніцтве “Дзед Прыродазнаўца раскажа…”, аб’яўленым бібліятэкай імя С.Маршака, запрашаюцца хлопчыкі і дзяўчынкі 1-6-х класаў, якім трэба прачытаць кнігі Галіны і Сяргея Трафімавых. Для гэтага на абанеменце падрыхтавана выстава, дзе прадстаўлены пазвавальныя і займальныя гісторыі гэтых аўтараў пра жывёл і расліны, загадкавыя адкрыцці ў свеце прыроды, таямніцы Сонечнай сістэмы.

А дзіцячая бібліятэка імя А.С.Пушкіна праводзіць традыцыйнае творчае спаборніцтва на лепшага чытача. Сёлета дзецям прапануецца для чытання літаратура на беларускай мове. За кожны твор хлопчыкі і дзяўчынкі атрымоўваюць стылізаваны пялёстак валошкі. Тых, хто збярэ большую іх колькасць, чакаюць узнагароды! Вынікі падвядуць 15 верасня.

Больш сталую публіку бібліятэка імя А.С.Пушкіна сумесна з рэдакцыяй гарадской газеты “Наваполацк сёння” запрашае прыняць удзел у фотавыставе “Прыгажосць роднага краю”, прымеркаванай да Году малой радзімы. Фота любімых месцаў нашага горада і яго ваколіц неабходна дасылаць на e-mail: This email address is being protected from spambots. You need JavaScript enabled to view it.. Усе здымкі размесцяць у афіцыйных групах сацыяльных сетак “Бібліятэкі Наваполацка” і “Наваполацк сёння”, а лепшыя прадставяць на выставе восенню.