Паважаныя сябры! 3-4 верасня ў горадзе Добруш адбудуцца мерапрыемствы, прысвечаныя Дню беларускага пісьменства. У розныя гады сталіцамі свята былі гістарычна значныя культурныя цэнтры краіны – Полацк, Тураў, Нясвіж, Навагрудак… У межах свята праходзілі розныя мерапрыемствы: сустрэчы з пісьменнікамі, знаёмства з навінкамі літаратуры, узнагароджанне пераможцаў конкурсу на лепшы літаратурны твор года і яшчэ шмат цікавага.

Дзіцячая бібліятэка імя А.С.Пушкіна запрашае знаўцаў беларускай літаратуры здзейсніць вандроўку і адказаць на пытанні віктарыны, прысвечанай гэтай падзеі.

Поспехаў вам!

Название: Выставы

Автор: Радзько Нэлі

Издание: Новополоцк сегодня. – 2022. – 12 авг. – С. 16. – (PRO-культура).

4 жніўня споўнілася 105 год з дня нараджэння народнага пісьменніка Беларусі Янкі Брыля. З нагоды гэтай падзеі ў дзіцячай бібліятэцы імя А.С.Пушкіна адкрылася выстава, прысвечаная творчасці літаратара.

Янка Брыль – чалавек вялікага таленту і шчырай душы. Яго творы прасякнуты глыбокім пачуццём любові да роднай старонкі, а жыццё – сумленным служэннем дзеля яе росквіту і дабрабыту. Доўгі час пісьменнік узначальваў Беларускае аддзяленне таварыства “Канада – СССР”, быў ганаровым членам Нацыянальнай акадэміі навук. Брыль напісаў 36 кніг, многія з якіх знайшлі шырокае прызнанне ў свеце. Падборку лепшых твораў аўтара можна пабачыць у бібліятэцы да канца наступнага тыдня.

Название: Выстава

Автор: Радзько Нэлі

Издание: Новополоцк сегодня. – 2022. – 19 авг. – С. 16. – (PRO-культура).

Да 4 верасня ў зале мастацтваў цэнтральнай бібліятэкі імя У.Маякоўскага працуе ўнікальная кніжная выстава з закрытых фондаў чытальнай залы і сектара мастацтваў “Ад традыцый да духоўнага адраджэння”.

Прадстаўленыя літаратурныя працы дазваляюць здзейсніць экскурс у часы жыцця найвялікшых асветнікаў нашага краю: Еўфрасінні Полацкай і Сімяона Полацкага. А факсімільныя выданні Францыска Скарыны знаёмяць з багатай культурнай спадчынай знакамітага першадрукара.