Беларускіх паэтаў і празаікаў ведаюць не толькі на Радзіме, але і за мяжой. Кнігі беларускіх аўтараў перакладаюцца на іншыя мовы – так людзі з усяго свету могуць дакрануцца з іх дапамогай да душы беларускага народа.

12 снежня ў бібліятэцы імя Якуба Коласа адбылася сустрэча, прысвечаная вялікай спадчыне беларускіх паэтаў. Адзначыць іх уклад у культуру краіны, атрымаць асалоду ад выдатных твораў, акунуцца ў свет слоў і адчуць усю глыбіню і прыгажосць беларускай літаратуры паспрабавалі навучэнцы 10 «Б» класа ДУА «Ліцэй г.Наваполацка».

Актыўнасць удзельнікаў паэтычнай святліцы «Праз гады» пакінула ў супрацоўнікаў бібліятэкі самыя найлепшыя ўражанні. Прыемна адзначыць шырокія веды навучэнцаў аб беларускіх асветніках, пра што сведчать паспяховыя вынікі віктарыны «Вытокі слова беларускага». Шчырую зацікаўленнасць выклікаў агляд кніжнай выставы «Колас – будучым пакаленням». Удзельнікі рубрыкі «Свабодны мікрафон» выразна чыталі на памяць вершы Якуба Коласа і прадэманстравалі высокі ўзровень акцёрскага майстэрства.

Да Года міру і стварэння ў зале мастацтваў цэнтральнай бібліятэкі імя У.Маякоўскага 12 снежня народны літаратурна-музычны калектыў “Крылы” ладзіў канцэрт. Яго кіраўнік Галіна Сташкевіч, якая вяла канцэрт, адзначыла асноўныя падзеі ў жыцці калектыву, горада Наваполацка і ўсёй краіны на працягу года пад эгідай гэтай рэспубліканскай акцыі.

Гучалі цудоўныя лірыка-патрыятычныя вершы і песні ў выкананні ўдзельнікаў калектыву. Канцэрт адкрывала маладая спявачка Маргарыта Змітровіч з вядомай патрыятычнай песняй “Гэта Беларусь мая” Ягора Завацкага. У выкананні Людмілы Мяхедка прагучала песня “Калыска Бацькаўшчыны” Тамары Талкачовай. Добры настрой стваралі з песнямі Міхаіл Зудзілаў, Аляксандр Нясон, Алена Штукіна. Разам з “крылаўцамі” выступілі і ўдзельнікі вакальнага гуртка “Гармонія” Яўгеній Каралёў і Ганна Цапкіна (кіраўнік Алена Штукіна) Наваполацкага дзяржаўнага палітэхнічнага каледжа і падапечныя-інваліды Вераніка Вярцінская, Вадзім Ляхаў, Андрэй Стралкоў Наваполацкага ТЦСАН.

Свае вершы чыталі Наталля Арцёменка, Іна Мароз, Уладзімір Хвашчэўскі і Ірына Вашчанка, якая яшчэ выканала на мандаліне вясёлыя прыпеўкі. Фенія Грынёва прачытала вершы паэтаў-першабудаўнікоў Юрася Касцюка і Вячаслава Атрахімовіча.

На завяршэнне канцэрта прагучалі духоўна-патрыятычныя вершы Вадзіма Саўрова і бардаўскія песні яго сына – Аляксандра Саўрова.

Больш падрабязна пра гэта мерапрыемства на старонцы “Литературно-музыкальное объединение “Крылья” (Facebook).

14 декабря 2023 года с 16.00 до 17.00 в публичном центре правовой информации по адресу: ул. Юбилейная, 1 (помещение выставочного зала музея) специалисты нотариальной конторы г.Новополоцка проведут бесплатную консультацию для жителей города по теме «Наследство» (завещание, оформление и получение).

Телефон для справок: 50-32-84.