Автор: Радзько Нэлі

Издание: Новополоцк сегодня. – 2023. – 9 марта. – С. 16. – (PRO-культура).

Напярэдадні вясны ў бібліятэцы імя А.С.Пушкіна адкрылася сумесная выстава “Акварэльныя сны” студый выяўленчага мастацтва “Хамелеон” і “Вясёлка” Палаца дзяцей і моладзі.

Эспазіцыя – вынік супрацоўніцтва творчых аб’яднанняў са знакамітым наваполацкім мастаком Яўгенам Панамарэнка, які правёў серыю майстар-класаў для юных навучэнцаў. Іх працы прысвечаны самай цікавай і цяжкай тэхніцы выяўленчага мастацтва – пісьму ў адзін прыём. Як гаворыць сам Яўген Георгіевіч “Акварэль – душа мастацтва”. Натхніўшыся яго словамі гурткоўцы стварылі серыю разнажанравых карцін. Пабачыць іх можна да канца сакавіка.

Автор: Радзько Нэлі

Издание: Новополоцк сегодня. – 2023. – 9 марта. – С. 16. – (PRO-культура).

Сваю “Стыхію творчасці” ў выставачнай зале бібліятэкі імя Я.Коласа прэзентуе вучаніца 5-га класа Дзіцячай мастацкай школы імя І.Ф.Хруцкага Варвара Гарноўская.

Шырокаму колу чытачоў яна прадстаўляе 13 графічных работ і некалькі нацюрмортаў і кампазіцый, створаных на занятках пад кіраўніцтвам Юліі Коўш.

Да сваёй першай сур’ёзнай выставы вучаніца Юліі Аляксандраўны ішла шмат гадоў. Маляваць пачала ў студыі “Юны мастак”, але ўжо тады яе працы былі напоўнены сэнсам і тонкім бачаннем свету. Варвару адрозніваюць апантанасць, працавітасць і жаданне самаўдасканальвацца. Больш за ўсё юная мастачка любіць працаваць алоўкам, актыўна удзльнічае і перамагае ў конкурсах рознага ўзроўню. У будучыні марыць стаць дызайнерам.

Автор: Радзько Нэлі

Издание: Новополоцк сегодня. – 2023. – 9 марта. – С. 16. – (PRO-культура).

Міжнароднае супрацоўніцтва. 59 наваполацкіх юнакоў і дзяўчат прынялі ўдзел у конкурсе дзіцячага малюнка, прымеркаванага да 110-годдзя знакамітага рускага мастака Ювеналія Каровіна.

Выбітны графік, жывапісец, ілюстратар Ювеналій Дзмітрыевіч – аўтар серыі эстампаў, прысвечаных савецкаму цырку, што атрымалі залаты медаль на выставе ў Лейпцыгу восенню 1959 г. Яго работы знаёмы многім з дзяцінства. Ён стварыў малюнкі да вершаў “Мяч” Самуіла Маршака, “Конь-Агонь” Уладзіміра Маякоўскага, “Дзядзя Сцёпа” Сяргея Міхалкова, рускім народным казкам і іншым творам. Лірычнасць яго ілюстрацый застаецца ў сэрцы назаўжды, а кніжкі з малюнкамі і сёння становяцца ўпрыгожваннем любой калекцыі.

Творчае спаборніцтва, прысвечанае Каровіну, праходзіла ў рамках праекта “Залатое пяро Расіі”. Арганізаваць дзіцячы конкурс узялася Цэнтралізаваная бібліятэчная сістэма пры падтрымцы Рассупрацоўніцтва ў Рэспубліцы Беларусь.

Уладальнікамі першых месцаў ў розных намінацыях сталі: Аліса Хамёнак з СШ №15 імя В.Ф.Маргелава, Аляксандра Багрунова і Лізавета Лёля з СШ №14, Ілеана Круміна, Міраслава Кавалеўская, Леў Навіцкі з Дзіцячай мастацкай школы імя І.Ф.Хруцкага.